ពិធីបុណ្យឆ្លង.សម្ពោធនិងកាត់ខ្សែបូដាក់ឱ្យដំណើរការប្រើប្រាស់ប្រាសាទជ័យមង្គលព្រះសិអារ្យមេត្រីយ៍ម្ចុលពេជ្រ(វត្តអង្គរជ័យ)
ថ្ងៃទី១៣ ខែមីនា ឆ្នាំ២០២៥ ព្រះគ្រូចៅអធិការវត្ត.លោកអាចារ្យ គណៈកម្មការនិងពុទ្ធបរិស័ទចំណុះជើងវត្តអង្គរជ័យស្ថិតនៅក្នុងភូមិអង្គរជ័យឃុំបន្ទាយដែកស្រុកកៀនស្វាយខេត្តកណ្តាល បានធ្វើពិធីបុណ្យឆ្លងប្រាសាទជ័យមង្គលព្រះសិអារ្យ មេត្រីយ៍ម្ជុលពេជ្រ(វត្តអង្គរជ័យ)ដើម្បីប្រមូលបច្ច័យសងថ្លៃជាង.គ្រឿងសំណង់ និងសាងសង់សមិទ្ធផលនានានៅក្នុងវត្តអង្គរជ័យបន្តទៀត។
អ្នកផ្តើមធ្វើបុណ្យព្រះគ្រូ សុខ វាសនាព្រះគ្រូចៅអធិការវត្តអង្គរជ័យ ព្រមទាំងមានអ្នកចូលរួមលោកជំទាវ ឧកញ៉ាមហាឧបាសិការពុទ្ធសាសន្ឌបត្ថម្ភ សាតណាវី ដួងឈីវព្រមទាំងបុត្រ អ្នកឧកញ៉ាអ៊ុល ចំណាននិងលោកជំទាវព្រមទាំងបុត្រ។ លោកឧកញ៉ាដួង តិចនិងលោកជំទាវសំណាគ្រីព្រមទាំងបុត្រ។ ឯកឧត្តមដួង វិបុលនិងលោកជំទាវខៀវ រ៉ាវីព្រមទាំងបុត្រ។ ឧបាសកសំ ឆាយវ៉ាន់និងឧបាសិកាលី គីមហុងព្រមទាំងបុត្រ។ ឧបាសកឈិត ឈឿន និងឧបាសិកាអ៊ូច វណ្ណាព្រមទាំងបុត្រ។ ដោយមានការអញ្ចើញចូលរួមពីលោកទេព សុផាតមេឃុំបន្ទាយដែកនិងក្រុមប្រឹក្សាឃុំនិងលោកលោកស្រីមេភូមិនិងបងប្អូនប្រជាពលរដ្ឋប្រមាណ៤០០នាក់។
លោកទេព សុផាតមានប្រសាសន៍ថា ក្នុងនាមរូបលោកជាអាជ្ញាធរឃុំបន្ទាយដែកនឹងសូមថ្លែងអំណរគុណអ្នកឧកញ៉ានិងលោកឧកញ៉ានិងលោកជំទាវដែលបានឈ្លៀតពេលវេលាអញ្ចើញមកចូលរួមបុណ្យនៅវត្តអង្គរជ័យនាពេលនេះ។
លោកមេឃុំក៍បានកោតសរសើរដល់ព្រះអង្គព្រះគ្រូសុខ វាសនា ចៅអធិការវត្តអង្គរជ័យបានកសាងសមិទ្ធនានាជាច្រើននៅក្នុងវត្តហើយមានបរិស្ថានស្អាតថែមទៀតផង។
លោកមេឃុំបន្តទៀតថា!នៅក្នុងស្រុកកៀនស្វាយក្រោមការដឹកនាំផ្ទាល់ពីលោកឡូវ សុខសានមានសន្តិសុខសុវត្ថិភាពល្អប្រសើរ។
សូមជ្រាបថា!បងប្អូនប្រមាណ៤០០នាក់ម្នាក់ៗបានទទួលថវិកាចំនួន០១មុឺនរៀលនិងថ្នាំពេទ្យ០១កញ្ចប់ហើយក៍មានរៀបចំពិធីរាប់បាតផងដែរ។
