ក្រុមប្រឹក្សាឃុំគគីរបើកកិច្ចប្រជុំសាមញ្ញលើកទី៥០អាណត្តិទី០៥ក្រោមអធឹបតីភាពលោកមុត សារិទ្ធ!
(ខេត្តកណ្តាល)ថ្ងៃចន្ទ ១១កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៤ ខែសីហា ឆ្នាំ២០២៦
ក្រុមប្រឹក្សាឃុំគគីរ បានរៀបចំកិច្ចប្រជុំសាមញ្ញលើកទី៥០ អាណត្តិទី៥ ក្រោមអធិបតីភាពលោក មុត សារិទ្ធ ប្រធានប្រជុំ និងប្រធានក្រុមប្រឹក្សាឃុំ។
ដោយមានការចូលរួមប្រជុំមានសមាសភាពដូចជា៖
– សមាជិក-សមាជិកាអង្គក្រុមប្រឹក្សាឃុំ
– លោក លោកស្រី កញ្ញា មេភូមិ ទាំង១២ភូមិ
– លោកនាយនគរបាលប៉ុស្តិ៍រដ្ឋបាលគគីរ
– លោកស្រីប្រធានមណ្ឌលសុខភាពឃុំ
– លោកនាយកវិទ្យាល័យ គគីរ
– លោក លោកស្រី នាយក នាយកកា សាលាបឋមសិក្សាទាំង ៥ក្នុងឃុំ។
– លោកស្រីស្មៀនឃុំ លោកជំនួយការហិរញ្ញវត្ថុ និងលោក លោកស្រី ជំនួយការរដ្ឋបាលឃុំ
– អ្នកសម្របសម្រួលគណនេយ្យភាពសង្គម
របៀបវារៈសំខាន់ៗក្នុងកិច្ចប្រជុំរួមមាន៖
១. ពិនិត្យសេចក្ដីព្រាងកំណត់ហេតុ និងអនុម័តសេចក្តីព្រាងកំណត់ហេតុខែកក្កដា
២. ពិនិត្យសេចក្ដីព្រាងរបាយការណ៍ និងអនុម័តសេចក្ដីព្រាងរបាយការណ៍ខែសីហា
៣. កំណត់កាលបរិច្ឆេទសម្រាប់កិច្ចប្រជុំសាមញ្ញលើកទី៥១ អាណត្តិទី៥
៤. បញ្ហាផ្សេងៗ
៥. បូកសរុប និងបិទអង្គប្រជុំ
ក្រោយកិច្ចប្រជុំបញ្ចប់ការប្រមូលមតិយោបល់ និងដោះស្រាយបញ្ហាប្រឈមជូនប្រជាពលរដ្ឋក្នុងមូលដ្ឋាន ទិសដៅការងារបន្តសម្រាប់ខែបន្ទាប់។ កិច្ចប្រជុំបានប្រព្រឹត្តទៅដោយរលូន និងទទួលបានលទ្ធផលជាផ្លែផ្កា ដើម្បីបម្រើផលប្រយោជន៍ និងការអភិវឌ្ឍក្នុងឃុំរបស់យើង។ លោកប្រធានអង្គប្រជុំ ក៏សូមកោតសរសើរ និងវាយតម្លៃខ្ពស់ចំពោះស្មារតីទទួលខុសត្រូវ ការចូលរួមយ៉ាងសកម្ម និងការបញ្ចេញមតិយោបល់ប្រកបដោយការស្ថាបនារបស់លោក លោកស្រី សមាជិក សមាជិកាក្រុមប្រឹក្សាឃុំ និងតំណាងស្ថាប័នពាក់ព័ន្ធទាំងអស់។ រាល់មតិរិះគន់ និងអនុសាសន៍ដែលបានលើកឡើងក្នុងថ្ងៃនេះ គឺជាទុនដ៏មានតម្លៃក្នុងការកែលម្អសេវាសាធារណៈ និងជួយឲ្យការអភិវឌ្ឍក្នុងឃុំរបស់យើងកាន់តែចំទិសដៅ និងឆ្លើយតបបានទាន់ពេលវេលាចំពោះតម្រូវការជាក់ស្តែងរបស់ប្រជាពលរដ្ឋ។
