កិច្ចប្រជុំបូកសរុបការងារប្រចំាឆ្នាំ២០២៥.២០២៦និងលើកទិសដៅបន្តឆ្នាំ២០២៧របស់អនុសាខាសមាគមអាចារ្យខ្មែរប្រចាំស្រុកកៀនស្វាយនិងលើកទី១២!
(ស្រុកកៀនស្វាយ)នារសៀលថ្ងៃសៅរ៍៤កើតខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ត្រូវនឹងថ្ងៃទី១៨ខែកក្កដាឆ្នាំ ២០២៦ អនុសាខាសមាគមអាចារ្យខ្មែរប្រចាំស្រុកកៀនស្វាយ បានបើកកិច្ចប្រជុំបូកសរុបឆ្នាំ២០២៥.២០២៦និងលើកទិសដៅបន្តឆ្នាំ២០២៧ ក្រោមគណៈអធិបតីភាព ព្រះពោធិ៍វង្សាពៅ រតនាព្រះរាជាគណ:ថ្នាក់កិត្តិយសព្រះសមុហ៍គណខេត្តកណ្ដាល ព្រះវិន័យធរ អនុគណស្រុកកៀនស្វាយនិងព្រះវិជ័យញាណ យុង កុសលព្រះរាជាគណ:ថ្នាក់កិត្តិយស ព្រះធម្មធរអនុគណកៀនស្វាយ ជាតំណាងព្រះវិជ្ចានុរ័ក្ខញាណខឹម សុផន អនុគណស្រុកកៀនស្វាយ រួមជាមួយលោកស្រី ដឹប អេង អភិបាលរងស្រុកកៀនស្វាយ ជាតំណាងលោកឡូវសុខសាន អភិបាលស្រុកកៀនស្វាយ និងលោកសៀក សារឿនប្រធានមន្ទីរធម្មការ និងសាសនាខេត្តកណ្ដាលលោក តឹក ម៉េង ប្រធានអនុសាខាសមាគមអារ្យខ្មែរប្រចាំស្រុកកៀនស្វាយនិង អនុប្រធាន ហិ រញ្ញិក លេខា អនុសាខាសមាគមអារ្យខ្មែរនិង សមាជិក សមាជិកា របស់អនុសាខាសមាគមអាចារ្យខ្មែរទូទាំងស្រុកកៀនស្វាយ។
នាឱកាសនោះលោក តឹកម៉េង បានឡើងរាយការជូនគណៈអធិបតីថា!ព្រះករុណាយើងខ្ញុំទាំងអស់គ្នាជាក្រុមការងារអនុសាខាសមាគមអាចារ្យខ្មែរប្រចាំស្រុកកៀនស្វាយបានរៀបចំពិធីបូកសរុបការងារប្រចាំឆ្នាំលើកទី១២របស់ខ្លួនក្រោមព្រះអធិបតីព្រះពោធិ៍វង្សាពៅ រតនាព្រះរាជគណៈកិត្តិយសនៃព្រះរាជាណាចក្រកម្ពុជាព្រះសមុហ៍គណខេត្តកណ្តាលព្រះវិន័យធរអនុគណស្រុកកៀនស្វាយព្រមទាំងសហការីនាឱកាសនេះ។
លោកតឹកម៉េងបានថ្លែងថា!ស្ថិតនៅក្រោមគំនិតផ្តើតផ្តើមដ៍ថ្លៃថ្លារបស់សម្តេចអគ្គមហាសេនាបតីតេជោហ៊ុន សែនកាលពីឆ្នាំ២០១៤ស្រុកកៀនស្វាយដោយមានការគាំទ្រពីអនុគណព្រះមន្ត្រីសង្ឃស្រុកនិងព្រះចៅអធិការគ្រប់វត្តក្នុងស្រុកកៀនស្វាយទាំងផ្នែកស្មារតីនិងធនធានធ្វើឱ្យអនុសាខាសមាគមអាចារ្យខ្មែរមានការីកចម្រើននិងមានការគាំទ្រជាបន្តបន្ទាប់ពីប្រជាពលរដ្ឋនិងពុទ្ធបរិស័ទ។
លោកតឹក ម៉េងថ្លែងបន្តថា!
ក្នុងនាមអនុសាខាសមាគមអាចារ្យខ្មែរប្រចាំស្រុកកៀនស្វាយសូមថ្លែងព្រះគុណចំពោះព្រះពោធិ៍វស្សា ពៅ រតនា និងសហការី មន្ត្រីសង្ឃព្រមទាំងព្រះចៅអធិការវត្តគ្រប់វត្តដែលបានអនុគ្រោះគាំទ្រសកម្មភាពយ៉ាងពេញទំហឹងដល់អនុសាខាសមាគមអាចារ្យខ្មែរក្នុងស្រុកកៀនស្វាយឱ្យដំណើរការបានល្អប្រសើរដើម្បីអភិវឌ្ឃវិស័យព្រះពុទ្ធសាសនាក្នុងការរួមចំណែកពង្រឹងសាមគ្គីភាពនិងលើកកម្ពស់វប្បធម៏នៃការយោគយល់គ្នុងចំណោមពុទ្ធសាសនិកក៍ដូចប្រជាជនទូទៅ។
ពិតមែនហើយប្រទេសយើងត្រូវការវត្តមាននិងការចូលរួមឥតសំចៃទាំងស្មារតីសម្ភារៈនិងបញ្ញា ញាណពីព្រះតេជគុណព្រះថេរៈគ្រប់អង្គព្រមទាំងអស់លោក លោកស្រីនិងប្រជាពលរដ្ឋទាំងអស់ដើម្បីរួមគ្នាកសាងប្រទេសជាតិឱ្យមានការរីចម្រើនលើគ្រប់វិស័យទាំងពុទ្ធចក្រនិងអាណាចក្រ។
រួមជាមួយគ្នានោះដែរលោកស្រីដឹប អេងបានមានប្រសាសន៍ថា!ថ្ងៃនេះលោកស្រីមានកិត្តយសជាតំណាងលោកឡូវ សុខសានបានចូលរួមពិធីបូកសរុបសមាគមអាចារ្យខ្មែរប្រចាំស្រុកកៀនស្វាយឆ្នាំ២០២៥.២០២៦និងលើកទិសដៅបន្តឆ្នាំ២០២៧។
លោកស្រីដឹប អេងបន្តថា!សូមថ្លែងអំណរគុណនិងកោតសរសើរយ៉ាងខ្លាំងចំពោះកិច្ចខិតខំប្រឹងប្រែងបំពេញមុខងារភារៈកិច្ចប្រកបដោយស្មារតីទទួលខុសត្រូវខ្ពស់ក្នុងឋានៈជាថ្នាក់ដឹកនាំអនុសាខាសមាគមអាចារ្យប្រចាំស្រុកកៀនស្វាយនិងគណសង្ឃវត្តដែលបានរួមសាមគ្គីជាប្រពៃណីដើម្បីកសាងសមិទ្ធផលនានាជាច្រើនសម្រាប់ព្រះពុទ្ធសាសនានិងសង្គមជាតិក្នុងរយៈកាលកន្លងមកពោលគឺលោកអាចារ្យ អាចារ្យនីបានចូលរួមចំណែកយ៉ាងសកម្មក្នុងការអនុវត្តការងារស្របតាមកម្មវិធីនយោបាយរបស់រាជរដ្ឋាភិបាលកម្ពុជា។
ដោយៈប៉ក់ សារិទ្ធ
