លោកឧត្តមសេនីយ៍ទោឈឿន សុចិត្តស្នងការខេត្តកណ្តាលអញ្ចើញសំណេះសំណាលនិងសួរសុខទុក្ខកម្លាំងនគរបាលស្រុកកៀនស្វាយ!
(ខេត្តកណ្តាល)ដោយបានអនុវត្តតាមបទបញ្ចាដឹកនាំដ៍ខ្ពង់ស្ពស់របស់ឯកឧត្តមនាយឧត្តមសេនីយ៍ស ថេតអគ្គស្នងការនគរបាលជាតិនៅព្រឹកថ្ងៃព្រហស្បតិ៍ត្រូវនឹងថ្ងៃទី៦ ខែសីហាឆ្នាំ២០២៦លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានដឹកនាំសហការី អញ្ជើញចុះត្រួតពិនិត្យស្ថានភាពប៉ុស្តិ៍និងសំណេះសំណាល សួរសុខទុក្ខ ដល់កងកម្លាំងនគរបាលនៅតាមបណ្តាប៉ុស្តិ៍នគរបាលរដ្ឋបាលចំនួន២ប៉ុស្តិ៍ នៃស្រុកកៀនស្វាយ ដែលស្ថិតនៅប៉ែកខាងកើតទន្លេបាសាក់ រួមមាន៖
១-ប៉ុស្តិ៍នគរបាលរដ្ឋបាលឈើទាល ។
២ ប៉ុស្តិ៍នគរបាលរដ្ឋបាលកំពង់ស្វាយ ។
ក្នុងឱកាសនោះដែល លោកឧត្តមសេនីយ៍ទោស្នងការ បានណែនាំដល់បណ្តាប៉ុស្តិ៍នគរបាលរដ្ឋបាលទាំង២ខាងលើ ឱ្យយកចិត្តទុកដាក់លើការងារដូចខាងក្រោម៖
– ត្រូវថែរៀបចំប៉ុស្តិ៍ឱ្យមានសោភ័ណភាព បរិស្ថាន អនាម័យ ទាំងកន្លែងធ្វើការ និងកន្លែងស្នាក់នៅហូបចុក។
– ត្រូវធ្វើការគ្រប់គ្រងកម្លាំងឱ្យបានត្រឹមត្រូវច្បាស់លាស់ ចំពោះបញ្ជីវត្តមានត្រូវធ្វើជាសៀវភៅប្រចាំខែនីមួយៗ។
– ការងារភស្តុភារគ្រប់គ្រង ទុកដាក់សម្ភារៈ អាវុធ, មធ្យោបាយ, អាគារស្នាក់ការ , សម្ភារៈបម្រើឲ្យកិច្ចប្រតិបត្តិការ។
– ការងារសន្តិសុខ និងការបម្រើសេវាសាធារណៈ។
– ការងារព្រហ្មទណ្ឌគ្រប់គ្រងមុខសញ្ញា បទល្មើសគ្រប់ប្រភេទ (ធ្វើជាបញ្ជីគ្រប់គ្រងមុខសញ្ញា)។
– ការងារគ្រប់គ្រងស្ថិតិប្រជាពលរដ្ឋចុះបញ្ជីការស្នាក់នៅ និងគ្រប់គ្រងការ ស្នាក់នៅរបស់ ជនបរទេស។
-ទទួលយកសំណូមពរ និងចំណុចខ្វះខាតរបស់ប៉ុស្តិ៍នគរបាលរដ្ឋបាល ដើម្បីសិក្សាដកបទពិសោធន៍ និងរកដំណោះស្រាយ៕
លោកឧត្តមសេនីយ៍ទោស្នងការនៃស្នងការដ្ឋាននគរបាលខេត្តកណ្តាលបានសន្យាថា!នឹងសាងសង់ប៉ុស្តិ៍នគរបាលរដ្ឋឈើទាលជូនដល់កងកម្លាំងឱ្យបានស្អាតតាមស្តង់ដាសម្រាប់ដើម្បីបម្រើសេវាជូនប្រជាពលរដ្ឋ។
លោកវរសេនីយ៍ឯកព្រុំសំណាងអធិការនៃអធិការដ្ឋាននគរបាលស្រុកកៀនស្វាយនឹងសូមថ្លែងអំណរគុណដល់លោកឧត្តមសេនីយ៍ទោស្នងការខេត្តបានយកចិត្តទុកដាក់និងដោះស្រាយទុក្ខជូនដល់កម្លាំងនគរបាលជាពិសេសបានសាងសង់ប៉ុស្តិ៍ថ្មីដល់កម្លាំងប៉ុស្តិ៍ឈើទាល់។
ដោយៈប៉ក់ សារិទ្ធ