«ពិធីបោះឆ្នោតជ្រើសរើសសមាសភាពថ្នាក់ដឹកនាំយុវជនគណបក្សឃុំដីឥដ្ឋនិងត្រៀមការបោះឆ្នោតជ្រើសរើសក្រុមប្រឹក្សាឃុំ.សង្គាត់អាណត្តិទី០៦!
ស្រុកកៀនស្វាយ៖នាព្រឹកថ្ងៃទី៥ កក្កដា ឆ្នាំ២០២៦នៅស្នាក់ការគណបក្សស្រុកមានរៀបចំពិធីបោះឆ្នោតជ្រើសរើសសមាសភាពថ្នាក់ដឹកនាំយុវជនគណបក្សឃុំដីឥដ្ឋស្រុកកៀនស្វាយខេត្តកណ្តាល។
ក្រោមអធិបតីភាព លោក សែ សុឃន អនុប្រធានក្រុមការងារគណបក្សចុះមូលដ្ឋានស្រុក តំណាងឯកឧត្ដមបណ្ឌិត គុណ ញឹម អនុប្រធានអចិន្ត្រៃយ៍ គណៈអចិន្ត្រៃយ៍ក្រុមការងារគណបក្សចុះមូលដ្ឋានស្រុកកៀនស្វាយ លោក ភិន សុភារក្ស អនុប្រធានក្រុមការងារគណបក្សចុះមូលដ្ឋានស្រុក ទទួលបន្ទុកចលនាយុវជនស្រុក លោក យឹក យូ អនុប្រធានក្រុមការងារគណបក្សចុះមូលដ្ឋានស្រុក និងជាប្រធានក្រុមការងារគណបក្សចុះមូលដ្ឋានឃុំដីឥដ្ឋ និង លោក ឯក សុផាត អនុប្រធានប្រចាំការគណបក្សស្រុក តំណាងលោក ឡូវ សុខសាន ប្រធានគណៈកម្មាធិការគណបក្ស
ស្រុកកៀនស្វាយ។
សមាសភាពចូលរួមមាន លោក លោកស្រីក្រុមការងារគណបក្សចុះមូលដ្ឋានឃុំដីឥដ្ឋ អនុប្រធានគណបក្សស្រុក សមាជិកអចិន្ត្រៃយ៍គណបក្សស្រុក ប្រធាន អនុប្រធានគណបក្សឃុំ ប្រធានយុវជនគណបក្សឃុំ ប្រធានសាខាបក្សភូមិនៃឃុំដីឥដ្ឋ និងយុវជនគណបក្សឃុំជាអង្គបោះឆ្នោត សរុបចំនួន ២២៤នាក់។
លទ្ធផលនៃការបោះឆ្នោត៖
ចំនួនសន្លឹកឆ្នោតចែកជូនអង្គបោះឆ្នោតចំនួន២២៤សន្លឹក
-សន្លឹកឆ្នោតមិនបានការមានចំនួន៨សន្លឹក
-សន្លឹកឆ្នោតបានការមានចំនួន២១៦សន្លឹក
បន្ទាប់ពីរាប់សន្លឹកឆ្នោតរួចរាល់បេក្ខជនចំនួន៥រូបបានជាប់ជាថ្នាក់ដឹកនាំយុវជនគណបក្សឃុំដីឥដ្ឋដែលមានសមាសភាពដូចខាងក្រោម៖
១-កញ្ញាសួន សុម៉ាលីយ៉ាជាប្រធានយុវជនគណបក្សឃុំ ទទួលបានសំឡេងគាំទ្រ ១៤៨សំឡេង
២.កញ្ញាខឹម ស្រីឡេងជាអនុប្រធានយុវជនគណបក្សឃុំទទួលបានសំឡេងគាំទ្រ ១៤២សំឡេង
៣.លោកមុំ ណន់ជាលេខាធិការយុវជនគណបក្សឃុំទទួលបានសំឡេងគាំទ្រ ១៣៨សំឡេង។
៤.លោក ម៉េង រ៉ាមែន ជាសមាជិកយុវជនគណបក្សឃុំទទួលបានសំឡេងគាំទ្រ ១៣៥សំឡេង
៥.កញ្ញាឯម សុផា ជាសមាជិកយុវជនគណបក្សឃុំទទួលបានសំឡេងគាំទ្រ ១០៤សំឡេង។
សូមបញ្ចាក់ថា!
ការបោះឆ្នោតជ្រើសរើសក្រុមប្រឹក្សាឃុំ.សង្គាត់អាណត្តិទី០៦នៅថ្ងៃទី០៦ខែមិថុនាឆ្នាំ២០២៧ជាថ្ងៃកំណត់របស់គ.ជ.ប។
ដោយៈប៉ក់ សារិទ្ធ
