រដ្ឋបាលសាលាឃុំដីឥដ្ឋរៀបចំពិធីព័រណ៍ស្តីពីគម្រោង ការលើកកម្ពស់តម្លាភាពនិងគណនេយ្យភាពនៃការគ្រប់គ្រងថវិកាថ្នាក់ក្រោមជាតិនៅកម្ពុជា
(ស្រុកកៀនស្វាយ)
ថ្ងៃទី០៧ខែមេសាឆ្នាំឆ្នាំ២០២៥ នៅសាលាឃុំដីឥដ្ឋបានរៀបចំស្តីពីពិព័រណ៌ថវិកាឃុំគម្រោង”ការលើកកម្ពស់តម្លាភាពនិងគណនេយ្យភាពនៃការគ្រប់គ្រងថវិកាថ្នាក់ក្រោមជាតិ”ដែលមានការគាំទ្រដោយអង្គការអភិវឌ្ឍន៍សហគមន៍(NAS)។
ក្រោមអធិបតីភាពលោកស្រី ហង្ស ចន្ថា អភិបាល រងស្រុកតំណាង លោកឡូវ សុខសាន អភិបាលនៃគណៈអភិបាលស្រុកកៀនស្វាយនិង
លោកហ៊ាន សេងហួ នាយរងអង្គការអភិវឌ្ឃន៍សហគមន៍(NAS)។
មានការចូលរួមពីលោកម៉ី ចន្ទសុភារិទ្ធប្រធានការិយាល័យផែនការ និងគាំទ្រឃុំ។
លោកយ៉ែម ប៊ុណ្ណាជាមេឃុំដីឥដ្ឋ លោក លោកស្រីសមាជិកក្រុមប្រឹក្សាឃុំលោកស្រីប្រធានមណ្ឌលសុខភាពឃុំ និងមន្ត្រីលោក លោកស្រីនាយកនាយិកានិងលោកគ្រូអ្នកគ្រូសាលាបឋម សិក្សាក្នុងឃុំដីឥដ្ឋ លោកនាយប៉ុស្តិ៍និងមន្ត្រីប៉ុស្តិ៍ លោកស្មៀនឃុំនិងជំនួយការរដ្ឋបាលឃុំ លោក លោកស្រីមេភូមិ អនុភូមិនិងសមាជិកភូមិនិងអ្នកសម្របសម្រួលគណនេយ្យភាពសង្គម(CAF)និងព្រមទាំងបងប្អូនប្រជាពលរដ្ឋ។
លោកយ៉ែម ប៊ុណ្ណាមេដីឥដ្ឋបានថ្លែងថា!ក្នុងនាមរូបលោកជាអាជ្ញាធរឃុំសូមថ្លែងអំណរគុណយ៉ាងជ្រាលជ្រៅចំពោះគណៈអធិបតីដែលបានឆ្លៀតពេលមមាញឹកបានមកចូលរួមក្នុងកម្មវិធីពិព័រណ៍ថវិកាឃុំ សង្គាត់ស្តីពីគម្រោងការលើកកម្ពស់តម្លាភាពនិងគណនេយ្យភាពនៃការគ្រប់គ្រងថវិកាថ្នាក់ក្រោមជាតិស្ថិតនៅឃុំដីឥដ្ឋស្រុកកៀនស្វាយខេត្តកណ្តាល។
លោកយ៉ែម ប៊ុណ្ណាបានលើកឡើងបន្តថា!ដោយឡែកក្នុងគ្រប់ខណ្ឌរដ្ឋបាលឃុំដីឥដ្ឋ ក្រោមការដឹកនាំរបស់រដ្ឋបាលខេត្ត.ស្រុកនិងអង្គការក្រៅរដ្ឋាភិបាលយើងធ្វើឱ្យការងារសេដ្ឋកិច្ច សង្គមកិច្ចរបស់ឃុំសង្គាត់មានការវិវត្តន៍រីកចម្រើនគួរឱ្យមានមោទនភាពលើការអនុវត្តគោល នយោបាយ វិមជ្ឃការនិងសហវិមជ្ឃការក្រោយពីរាជរដ្ឋាភិបាលបានផ្ទេរមុខងារ ភារកិច្ចមួយចំនួនដល់ថ្នាក់ក្រោមជាតិរដ្ឋបាលឃុំ សង្គាត់ដោយមានការគាំទ្រពីរដ្ឋបាលខេត្ត.ស្រុកបានចាត់តាំងអនុវត្តដល់ថ្នាក់ក្រោមជាតិរដ្ឋបាលឃុំសង្គាត់បានចាត់តាំងអនុវត្តន៍ ដោយទទួលខុសត្រូវខ្ពស់រួមចំណែកក្នុងការលើកកម្ពស់ផ្តល់សេវាសាធារណៈនានា ជាពិសេសសេវារដ្ឋបាលជូនប្រជាពលរដ្ឋកាន់តែងាយស្រួលនិងទាន់ពេលវេលា តម្លាភាពនិងប្រសិទ្ធិភាពខ្ពស់។
លោកមេឃុំបានបន្តថា!ក្នុងរយៈពេលជិត៥ឆ្នាំកន្លងមកនេះក្រុមប្រឹក្សាឃុំដីឥដ្ឋអាណត្តិទី៥ឆ្នាំ២០២២ផ្អែកតាមគោលនយោបាយរបស់រាជរដ្ឋាភិបាលបានរៀបចំកម្មវិធីវិនិយោគនិង៣ឆ្នាំរំកិលបានកែសម្រួលផ្លូវបេតុងចាស់មួយចំនួនកន្លងមកដែលបានចាក់ទទឹងផ្លូវខ្លីៗធ្វើតាមផ្លូវចាស់ៗពីរ៉ុមបុរាណបានពង្រីកផ្លូវទទឹងផ្លូវឱ្យបានធំបច្ចុប្បន្នក្រុមប្រឹក្សាឃុំបានឯកភាពពង្រីកផ្លូវបេតុងចាស់ ចាក់គ្របដន្តប់ពីលើហោចណាស់ក៍បានទទឹង០៦ម៉ែត្រមានគន្លងទឹកហូរសង្ខាង ងាយស្រួលប្រជាពលរដ្ឋធ្វើដំណើរនិងអាចសង់រោងក្នុងពិធីផ្សេងៗបានស្រួលថែមទៀតផង។
លោកថា! សមាជិកក្រុមប្រឹក្សាឃុំមានចំនួន១១រូប ស្រី២រូប។
ស្មៀនឃុំជំនួយការ រដ្ឋបាលឃុំនិងជំនួយការហិញ្ញវត្ថុងចំនួន៦រូប ស្រី០១រូប។
មេភូមិ អនុភូមិនិងសមាជិកភូមិចំនួន៣០រូប ស្រី១០រូប។
លោកស្រីហង្ស ចន្ថាអភិបាល រងស្រុកមានប្រសាសន៍ថា!ថ្ងៃនេះលោកស្រីមានកិត្តិយសបានចូលរួមក្នុងកម្មវិធីពិព័រណ៍ថវិកាឃុំសង្គាត់គម្រោងការលើកកម្ពស់តម្លាភាពនិងគណនេយ្យភាពនៃការគ្រប់គ្រង់ថវិកាថ្នាក់ក្រោមជាតិនៅសាលាឃុំដីឥដ្ឋនាពេលនេះ។
លោកស្រីអភិបាល រងស្រុកបន្តថា!នៅពេលក្នុងឃុំរបស់យើងធ្វើគេផ្លូវបេតុងក្នុងនាមយើងជាប្រជាពលរដ្ឋមានសិទ្ធិចូលរួមមើល តើការធ្វើផ្លូវបេតុងនេះមានគុណភាពឬទេ ?
លោកស្រីបានលើកឡើងថា!សូម បងប្អូនប្រជាពលរដ្ឋត្រូវមានការប្រុងប្រយ័ត្នចាញ់បោកក្រុមសង្គមងងឹតពួកគេនោះមានល្បិចខ្ពស់ណាស់ថា!នាំយើងទៅធ្វើការក្រៅប្រទេសរួចហើយគេយកយើងធ្វើការខុសច្បាប់។
បើនារីវិញគេថាមករៀបការយើងធ្វើជាប្រពន្ធរួចហើយគេយកយើងទៅលក់នៅក្រៅប្រទេស។
លោកស្រីអភិបាល រងស្រុកក៍បានជូនពរដល់បងប្អូនប្រជាពលរដ្ឋឱ្យមានសុខភាពល្អនាឱកាសពិធីបុណ្យចូលឆ្នាំថ្មីនៃប្រពៃណីជាតិខ្មែរឈានមកដល់ថ្ងៃទី១៤.១៥.១៦ខែមេសាឆ្នាំ២០២៥។
ដោយៈសម្រែកកូនខ្មែរ
