កាកបាទក្រហមកម្ពុជាខេត្តកណ្តាលនិងកាកបាទក្រហមកម្ពុជាស្រុកកៀនស្វាយនិងអាជ្ញាធរឃុំគគីរបាននាំយកថវិកាសំភារៈជួយដល់ជនរងគ្រោះដោយអគ្គិភ័យភ្លើងឆេះផ្ទះ!
(ស្រុកកៀនស្វាយ)នារសៀលថ្ងៃទី១០ខែសីហាឆ្នាំ២០២៥លោកជា សុរក្សា អភិបាលរងស្រុកនិងជាសមាជិកគណៈកម្មាធិការអនុសាខាស្រុក តំណាងលោកឡូវ សុខសាន អភិបាលនៃគណៈអភិបាលស្រុក និងជាប្រធានគណៈកម្មាធិការអនុសាខាកាកបាទក្រហមកម្ពុជាស្រុកកៀនស្វាយបានដឹកនាំប្រតិភូអនុសាខានិងក្រុមការងារកាកបាទក្រហមឃុំគគីរចូលរួមជាមួយប្រតិភូសាខាកាកបាទក្រហមកម្ពុជាខេត្តកណ្ដាលដឹកនាំដោយឯកឧត្ដម ហាក់ សុខមករា អភិបាលរងខេត្តកណ្ដាលនិងជាអនុប្រធានអចិន្ត្រៃយ៍គណៈកម្មាធិការសាខាកាកបាទក្រហមកម្ពុជាខេត្តកណ្ដាលតំណាងឯកឧត្ដមគួច ចំរើនប្រធានគណៈកម្មាធិការសាខាកាកបាទក្រហមកម្ពុជាខេត្តកណ្ដាលបានចុះសួរសុទុក្ខនិងនាំយកអំណោយសង្គ្រោះរបស់កាកបាទក្រហមកម្ពុជាឧបត្ដម្ភជូនគ្រួសាររងគ្រោះដោយអគ្គិភ័យចំនួន២គ្រួសារស្ថិតនៅភូមិទួលក្របៅឃុំគគីរស្រុកកៀនស្វាយ ខេត្តកណ្តាល។
អំណោយដែលសាខាកាកបាទក្រហមកម្ពុជាខេត្តកណ្ដាលបានផ្ដល់ជូនគ្រួសាររងគ្រោះដោយអគ្គិភ័យទាំងស្រុងចំនួន១គ្រួសារ រួមមានថវិកាចំនួន ១លានរៀលអង្ករ៥០គីឡូក្រាម មី ១កេសទឹកសុទ្ធ២កេសត្រីខ១យួរ ទឹកត្រី១យួរទឹកស៊ីអ៊ីវ១យួរឃីត ១កញ្ចប់កៅស៊ូតង់១សម្ភារះផ្ទះបាយ១ឈុតនិងគ្រួសាររងផលប៉ះពាល់ពីអគ្គីភ័យចំនួន១គ្រួសារ អង្ករ៥០គីឡូក្រាមមី១កេសទឹកសុទ្ធ២កេសត្រីខ១យួរទឹកត្រី ១យួរទឹកស៊ីអ៊ីវ១យួរឃីត១កញ្ចប់ កៅស៊ូតង់១សម្ភារះផ្ទះបាយ១ឈុតនិងថវិកា៥០០ ០០០រៀល។
អំណោយអនុសាខាផ្ដល់ជូនគ្រួសាររងគ្រោះឆេះផ្ទះទាំងស្រុង ១គ្រួសាររួមមានអង្គរ ១០០គីឡូក្រាមទឹកសុទ្ធ២កេស ទឹកត្រី២យួរទឹកស៊ីអ៊ីវ២យួរនិងថវិកាចំនួន៨០០.០០០រៀលនិងគ្រួសាររងគ្រោះផលប៉ះពាល់អង្ករ ៥០គីឡូក្រាមទឹកសុទ្ធ១កេស ទឹកត្រី១យួរទឹកស៊ីអ៊ីវ១យួរនិងថវិកា៤០០.០០០រៀល។
ក្រុមការងារកាកបាទក្រហមឃុំគគីរឧបត្ថម្ភជូនគ្រួសារឆេះផ្ទះទាំងស្រុងថវិកា៣០០.០០០រៀល អង្ករ៥០គីឡូក្រាមមី៥កេសទឹកសុទ្ធ៥កេសទឹកត្រី២យួរទឹកស៉ីអ៉ីវ ២យួរនិងគ្រួសាររងផលប៉ះពាល់ថវិកា២០០.០០០រៀល៕
