រដ្ឋបាលឃុំដីឥដ្ឋរៀបចំវេទិការផ្សព្វផ្សាយពិគ្រោះយោបល់ជាមួយសហគមន៍ប្រជាពលរដ្ឋស្តីពី”ការលើកកម្ពស់ការងារសេវាកម្មសង្គមនិងគណនេយ្យភាពសង្គម!
(ខេត្តកណ្តាល)នាព្រឹកថ្ងៃទី១៩ខែមីនាឆ្នាំ២០២៦សាលាឃុំដីឥដ្ឋស្រុកកៀនស្វាយខេត្តកណ្តាលបានរៀបចំពិធីផ្សព្វផ្សាយពិគ្រោះយោបល់ស្តីពី”សុខភាពមាតានិងទារកនិងអាហារូបត្ថម្ភការទប់ស្គាល់អំពើហិង្សាក្នុងក្រុមគ្រួសារនិងការពារជនរងគ្រោះការទប់ស្គាត់ការកេងប្រវ័ញ្ចផ្លូវភេទលើកុមារតាមប្រព័ន្ធអនឡាញ.ជំងឺមហារីកមាត់ស្បូននិងមហារីកសុដន់។
ក្រោមអធិបតីភាពលោកជំទាវ ប៊ុន រម្មណីអនុប្រធានគ.ក.ស.កខេត្តកណ្តាលនិងសមាជិកក្រុមប្រឹក្សាខេត្តកណ្តាល.លោកស្រីដឹប អេង អភិបាល រងស្រុកកៀនស្វាយជាតំណាងលោកឡូវ សុខសានអភិបាលស្រុកនិងលោកយ៉ែម ប៊ុណ្ណាមេឃុំដីឥដ្ឋ.លោកស្រីអធិការ រងស្រុក.លោកនាយប៉ុស្តិ៍ដីឥដ្ឋ.លោកលោកស្រីមេភូមិព្រមទាំងបងប្អូនប្រជាពលរដ្ឋ។
នាឱកាសនោះលោកយ៉ែម ប៉ុណ្ណាមេឃុំដីឥដ្ឋបានថ្លែងថា!
ឃុំដីឥដ្ឋជាឃុំមួយក្នុងចំណោមទាំង០៨ឃុំរបស់ស្រុកកៀនស្វាយខេត្តកណ្តាលដែលមានទីតាំងសាលាឃុំស្ថិតនៅក្នុងភូមិដីឥដ្ឋកោះផុសឃុំដីឥដ្ឋស្រុកកៀនស្វាយតាមបណ្តោយផ្លូវជាតិលេខ១មានចំងាយពីសាលាស្រុកកៀនស្វាយប្រមាណ៤.៧០០ម៉ែត្រនិងឃុំដីឥដ្ឋមានផ្ទៃដីសរុប៣.៣៨៨ហិចតាហើយចែកចេញជា១០ភូមិ។
លោកមេឃុំបានថ្លែងបន្តថា!
ឃុំដីឥដ្ឋមានប្រជាពលរដ្ឋសរុប៤.៩៥៦គ្រួសារចំនួនមនុស្សសរុប១៧.៣៦១នាក់ស្រី ៩.៥០៧នាក់អាយុ១៨ឆ្នាំឡើងមានចំនួន១៤.១៧១នាក់ស្រី៧.៩៧៧នាក់។
លោកមេឃុំបន្តទៀតថា!ក្រុមការងារគ.ក.ន.កឃុំបានចុះជួយឧបត្ថម្ភដល់គ្រួសារដែលមានជីវភាពខ្វះខាតគ្រួសារក្រីក្រដែលមានជម្ងឺសរុបចំនួន២៥គ្រួសារសម្ភារៈរួមអង្ករ៤៥០គីឡូក្រាមនិងថវិកា១.០០០.០០០រៀលគត់រួមទាំងសម្ភារៈមួយចំនួន។
លោកយ៉ែម ប៊ុណ្ណាថា!ផ្នែកសន្តិសុខនិងសណ្តាប់
_ករណីលួចមាន០២ករណី។
_បទល្មើសគ្រឿងញៀន០១ករណី។
_លង់ទឹកស្លាប់០១ករណី។
ក្នុងនោះកងកម្លាំងប៉ូលីសប៉ុស្តិ៍រួមនិងកម្លាំងប្រជាការពារភូមិជួយគាំពារនិងធានាសន្តិសុខជូនប្រជាពលរដ្ឋគ្រប់ច្រកល្ហកក្នុងភូមិសាស្ត្រទូទាំងឃុំដីឥដ្ឋដោយបានទប់ស្គាត់រាល់ល្បែងសុីសងគ្រប់ប្រភេទគ្រឿងញៀនអំពើហិង្សាលើស្រ្តី.កុមារចោរកម្មឆក់ប្លន់ទាន់ពេលវេលានិងប្រឈមចំពោះជនខិលខូចមួយចំនួនតូចឈ្លាតឱកាសចូលឈ្លបលួចយកទ្រព្យសម្បត្តិប្រជាពលរដ្ឋដោយអន្លើៗដើម្បីធានាសន្តិសុខសណ្តាប់ធ្លាប់ទីប្រជុំជននានាទទួលបានការយកចិត្តទុកដាក់ពីប្រជាពលរដ្ឋ។
លោកមេឃុំបានលើកឡើងថា!
ឃុំដីឥដ្ឋបានទទួលលទ្ធផលល្អក្នុងការប្រឡងប្រណាំងភូមិឃុំ_សង្គាត់មានសុខសុវត្ថិភាពក្នុងវិស័យបរិស្ថានគឺឃុំដីឥដ្ឋជាប់លេខ១ក្នុងស្រុកកៀនស្វាយនឹងក្នុងចំណោម១២៧ឃុំ_សង្គាត់ក្នុងខេត្តកណ្តាលឃុំដីឥដ្ឋទទួលបានចំណាត់ថ្នាក់លេខ០១ទូទាំងខេត្តកណ្តាលនិងទទួលពានជ័យលាភីថ្នាក់ជាតិផងដែរ។
សូមបញ្ចាក់ថា!ក្នុងកម្មវិធីនោះក៍មានសំណួរ.ចម្លើយនិងបានផ្តល់រង្វាន់លើកទឹកចិត្តថែមទៀតផង។
ដោយៈប៉ក់ សារិទ្ធ
