អនុវត្តតាមការណែនាំរបស់ឯកឧត្តមគួច ចំរើនអនុសាខាកាកបាតក្រហមកម្ពុជាស្រុកកៀនស្វាយបាននាំយកអំណោយជួយលដល់ពលរដ្ឋខ្វះខាតជីវភាពនៅឃុំភូមិធំ!
ស្រុកកៀនស្វាយ៖ អនុវត្តតាមប្រសាសន៍ណែនាំរបស់ ឯកឧត្ដម គួច ចំរើន អភិបាលនៃគណៈអភិបាលខេត្តកណ្ដល និងជាប្រធានគណៈកម្មាធិការសាខាកាកបាទក្រហមកម្ពុជាខេត្តកណ្ដាល នាព្រឹកថ្ងៃទី១ ខែមិថុនា ឆ្នាំ២០២៦ លោក ឡូវ សុខសាន អភិបាល នៃគណៈអភិបាលស្រុកកៀនស្វាយ និងជាប្រធានគណៈកម្មាធិការអនុសាខាកាកបាទក្រហមកម្ពុជាស្រុកកៀនស្វាយ បានដឹកនាំប្រតិភូរបស់អនុសាខាកាកបាទក្រហមកម្ពុជាស្រុក រួមជាមួយក្រុមការងារកាកបាទក្រហមក៍មានការចូលរួមពីលោកមាន ណាតមេឃភូមិធំនិងកងកម្លាំងបានចុះសួរសុខទុក្ខនិងនាំយកអំណោយមនុស្សធម៌របស់កាកបាទក្រហមកម្ពុជា ជូនគ្រួសារក្រីក្រចំនួន២គ្រួសារ រួមមានគ្រួសារជាស្ត្រីមេម៉ាយចំនួន ១គ្រួសារត្រូវទទួលបន្ទុកចិញ្ចឹមចៅ ៣នាក់ និងម្ដាយចាស់ជរា ១នាក់ និង១គ្រួសារទៀត លោកតាពិការជើងម្នាក់រស់នៅពីរនាក់ចៅប្រុសស្ថិតនៅភូមិកោះប្រាក់ឃុំភូមិធំស្រុកកៀនស្វាយខេត្តកណ្ដាល។
អំណោយដែរអនុសាខាប្រគល់ជូនគ្រួសារក្រីក្រជាស្ត្រីមេម៉ាយ រួមមានអង្ករ ៦០គីឡូក្រាម មី ១កេសទឹកសុទ្ធ ២កេស ទឹកត្រី១យួរ ទឹកស៉ីអ៉ីវ ១យួរ ខោអាវមនុស្សធំ ៣០ឈុត និងថវិកា ៥០០ ០០០រៀល ក្រុមការងារកាកបាទក្រហមឃុំភូមិធំ អង្ករ ៥០គីឡូក្រាម មុង ភួយ ថវិកា ១០០ ០០០រៀល និងគ្រួសារលោកតាពិការជាមួយចៅ ថវិកា២០០ ០០០រៀល។
គួរបញ្ចាក់ថា!អនុសាខាកាកបាតក្រហមកម្ពុជាស្រុកកៀនស្វាយតែងតែចុះជួយដល់ប្រជាពលរដ្ឋជានិច្ចឱ្យតែមានរងគ្រោះដោយធម្មជាតិមិនប្រកាន់និន្នាការនយោបាយឡើយ។
ដោយៈប៉ក់ សារិទ្ធ
