លោក ឡូវ សុខសាន អភិបាលស្រុក និងជាប្រធានកិត្តិយសស.អ.កស្រុក ជួបសំណេះសំណាល និងចែកអំណោយជូនសមាជិកអតីតយុទ្ធនៅក្នុងស្រុកកៀនស្វាយ ក្នុងឱកាសពិធីបុណ្យឆ្នាំថ្មីប្រពៃណីជាតិខ្មែរ
ស្រុកកៀនស្វាយ៖
ស្របពេលពិធីបុណ្យចូលឆ្នាំថ្មីនៃប្រពៃណីខ្មែរកាន់ខិតជិតចូលមកដល់នៅព្រឹកថ្ងៃទីផ៩ ខែមេសា ឆ្នាំ២០២៥ នៅសាលប្រជុំសាលាស្រុក លោក ឡូវ សុខសាន អភិបាលនៃគណៈអភិបាលស្រុក និងជាប្រធានកិត្តិយសស.អ.កស្រុក បានអញ្ជើញជាអធិបតីជួបសំណេះសំណាលជាមួយសមាជិកអតីតយុទ្ធជននៅក្នុងស្រុកកៀនស្វាយ ដែលមានជីវភាពខ្វះខាតចំនួន ២០នាក់ ក្នុងឱកាសពិធីបុណ្យឆ្នាំថ្មីប្រពៃណីជាតិខ្មែរ។
សមាសភាពអញ្ជើញចូលរួមមានលោក លោកស្រីអភិបាលរងស្រុក នាយករដ្ឋបាលសាលាស្រុក មេបញ្ជាការកងកម្លាំងទាំងបី និងក្រុមការងារស.អ.កស្រុកកៀនស្វាយ។
ក្នុងពិធីនេះដែរ លោក ឡូវ សុខសាន អភិបាលស្រុក និងជាប្រធានកិត្តិយសស.អ.កស្រុក បាននាំយកអំណោយរបស់ឯកឧត្ដម គួច ចំរើន អភិបាលនៃគណៈអភិបាលខេត្តកណ្ដាល និងជាប្រធានកិត្តិយសសមគមន៍អតីតជនខេត្តកណ្ដាល ឧបត្ដម្ភដល់សមាជិកអតីតយុទ្ធចំនួន២០នាក់ ក្នុងម្នាក់ទទួលបានអង្ករ ២៥គីឡូក្រាម មី ១កេស ទឹកសុទ្ធ ១កេស ទឹកក្រូច ១កេស និងថវិកា ៥០ ០០០រៀល។
លោកឡូវ សុខសានមានប្រសាសន៍ថា!រាជរដ្ឋាភិបាលក្រោមការដឹកនាំរបស់គណបក្សប្រជាជនកម្ពុជាដែលមានសមេ្តចអគ្គមហាសេនាបតីតេជោហ៊ុន សែនប្រធានព្រឹទ្ធសភានិងសមេ្តចមហាបវរធិបតីហ៊ុនម៉ាណែតនាយករដ្ឋមន្ត្រីនៃព្រះរាជាណាចក្រកម្ពុជាមិនដែលបានបោះបង់ពូៗចោលម្តងណាចោលឡើយ។
លោកអភិបាលស្រុកបន្តថា!ថ្ងៃនេះក្នុងនាមអាជ្ញាធរស្រុកកៀនស្វាយបាននាំយកអំណោយមកចែកជូនពូៗវាមិនបានគ្រប់គ្រាន់ទេវាគ្រាន់បានជួយដោះស្រាយបានមួយគ្រាប៉ុណ្ណោះ។
លោកអភិបាលស្រុកបន្តទៀតថា!យើងត្រូវនាំគ្នារក្សាសន្តិភាពឱ្យបានគង់វង្សនិងលោកអភិបាលស្រុកសូមជូនពរដល់ពូៗមានសុខភាពល្អនាឱកាសបុណ្យចូលឆ្នាំថ្មី។
ដោយៈសម្រែកកូនខ្មែរ
