លោកមុតសារិទ្ធមេឃុំគគីរនិងភរិយានិមន្តសម្តេចព្រះមហាសុមេធា ធិបតីកិត្តិបណ្ឌិត អំ លឹមហេង សម្តេចព្រះសង្ឃនាយក សូត្រមន្តស្រោចទឹកអ្នកមានគុណ រំដោះគ្រោះនិងលើករាសីក្នុងឱកាសបុណចូលឆ្នាំថ្មីប្រពៃណីជាតិនិងឡើងគេហដ្ឋានថ្មី
ខេត្តកណ្តាល៖
ស្របពេលថ្ងៃបុណ្យចូលឆ្នាំថ្មីនៃប្រណីជាតិខ្មែរកាន់តែខិតជិតចូលមកដល់នៅព្រឹកថ្ងៃព្រហស្បតិ៍១៣កើតខែចេត្រ ឆ្នាំរោងឆស័កព.ស២៥៦៨ត្រូវនឹងថ្ងៃទី១០ខែមេសាឆ្នាំ២០២៥នេះ លោកមុត សារិទ្ធមេឃុំគគីស្រុកកៀនស្វាយខេត្តកណ្តាក និងភរិយាលោកស្រីជា ចាន់ដាវីបាននិមន្តសម្តេចព្រះមហាសុមេធា ធិបតីកិត្តិបណ្ឌិតអំ លឹមហេង សម្តេចព្រះសង្ឃនាយកសូត្រមន្តស្រោចទឹក(អ្នកមានគុណ)ឪពុកម្តាយបង្កើតនិងឪពុកម្តាយក្មេកទាំងសងខាងដើម្បីរំដោះគ្រោះនិងលើករាសីក្នុងឱកាសបុណចូលឆ្នាំថ្មីប្រពៃណីជាតិខ្មែរយើង។
នៅក្នុងពិធីសូត្រមន្តស្រោចទឹកអ្នកមានគុណរំដោះគ្រោះនិងលើករាសីក្នុងឱកាសបុណ្យចូលឆ្នាំថ្មីប្រពៃណីជាតិនេះក៏មានការអញ្ជើញចូលរួមពីសមាជិក សមាជិកា ក្រុមប្រឹក្សាឃុំ និងនិមន្តពីសំណាក់អនុគណស្រុកគៀនស្វាយ និងនិមន្តចូលរួមព្រះសង្ឃក្នុងឃុំគគីរចំនួន៨៦អង្គផងដែរ។
សម្តេចព្រះមហាសុមេធា ធិបតីកិត្តិបណ្ឌិត អំ លឹមហេង សម្តេចព្រះសង្ឃនាយក នៃព្រះរាជាណាចក្រកម្ពុជាបានសូត្រប្រោសព្រំលើករាសី និងស្រោចទឹកដល់ញាតិញោម ពុទ្ធបរិស័ទដែលបានចូលរួមនៅក្នុងកម្មវិធីនេះផងដែរ។
នៅចុងបញ្ចប់កម្មវិធីលោក មុត សារិទ្ធ និងលោកស្រី ជា ចាន់ដាវី ក៏បាននិមន្តព្រះសង្ឃជាង៨០អង្គនោះ ឆាន់ថ្ងៃត្រង់នៅគេហដ្ឋានថ្មីថែមទៀតផង។
សូមបួងសួងដល់គុណបុណ្យព្រះរតនត្រ័យ គុណកែវទាំង៣ វត្ថុស័ក្ដិសិទ្ធក្នុងលោក មានទេវតាដែលថែរក្សាព្រះរាជាណាចក្រកម្ពុជា ទាំងមូល មានព្រះបារមីដែលថែរក្សា ព្រះបរមរាជវាំង ព្រះបារមីដែលថែរក្សាព្រះទីនាំងទេវាវិនិច្ឆ័យ ទសបារមីដែលថែរក្សាព្រះបល្ល័ង្ក ព្រះមហាស្វេតឆ័ត្រ បារមីថែរក្សាដំណាក់ច័ន្ទ ព្រះកែវមរកត ជាពិសេសបារមី ព្រះអង្គធំ។
សូមបប្រោសប្រទានសព្វសាធុការពរជ័យសិរីសួស្តី ជ័យមង្គល វិបុលសុខបវរមហាប្រសើរគ្រប់ប្រការ កើតមានដល់លោកមេឃុំគគីរព្រមទាំងបុត្រនិងចៅសូមមានសុខភាពល្អបបរិបូរណ៍បញ្ញាញាណវវាងវៃកម្លាំងកាយពលមាំមួន និងសមប្រកបនូវពុទ្ធមង្គលពរទាំង៤ប្រការគឺអាយុ វណ្ណៈ សុខៈ និងពលៈ សូមសម្រេចបានជោគជ័យគ្រប់ភារកិច្ចតាមក្តីប្រាថ្នា កុំបីឃ្លៀងឃ្លាតឡើយ៕
សូមជ្រាបថា!លោកមុត សារិទ្ធជាមេឃុំគគីរក្នុងអាណត្តិទី៥នេះបានកសាងសមិទ្ធផលនានាជាច្រើនក្នុងការអភិវឌ្បន៍មូលដ្ឋានឃុំគគីរជាក់ស្តែងដូចជាផ្លូវបេតុងស្ទើរគ្រប់ភូមិដើម្បីសម្របសម្រួលចរាចរណ៍ជូនបងប្អូនប្រជាពលរដ្ឋការធ្វើដំណើរបានស្រួល។
ដោយៈសម្រែកកូនខ្មែរ
