លោកឡូវសុខសានអភិបាលស្រុកកៀនស្វាយបានបន្តចុះត្រួតពិនិត្យនិងអនុវត្តវិធានការរៀបចំសណ្តាប់ធ្នាប់សាធារណៈនៅតំបន់ផ្សារគគីរ ស្រុកកៀនស្វាយ ដើម្បីលើកកម្ពស់សោភ័ណ្ឌភាពនិងសុវត្ថិភាព សាធារណៈ
(ខេត្តកណ្តាល)នាព្រឹកថ្ងៃទី០១.០២.០៣ ខែមេសា ឆ្នាំ២០២៦លោកឡូវ សុខសានអភិបាលស្រុកកៀនស្វាយបានដឹកនាំមន្ត្រីក្រោមឱវ៉ាតទៅរួមនិងលោកមុត សារិទ្ធមេឃុំគគីរបានបន្តចុះត្រួតពិនិត្យនិងអនុវត្តវិធានការរៀបចំសណ្តាប់ធ្នាប់ តាមដងផ្លូវជុំវិញបរិវេណផ្សារគគីរ តាមបណ្តោយផ្លូវជាតិលេខ១ក្នុងភូមិសាស្ត្រស្រុកកៀនស្វាយ ខេត្តកណ្តាលដើម្បីពង្រឹងសណ្តាប់ធ្នាប់សាធារណៈនិងលើកកម្ពស់សោភ័ណភាពឱ្យកាន់តែមានភាពស្រស់បំព្រង ។
នាឱកាសនោះ
នាពេលនោះលោកឡូវ សុខសានបានមានប្រសាសន៍ថា៖ ការចុះរៀបចំសណ្តាប់ធ្នាប់នេះគឺដើម្បីកាត់បន្ថយការកកស្ទះនៅជុំវិញតំបន់ផ្សារដែលតែងតែបង្កឡើងដោយការចតយានយន្តនិងការលក់ដូររំលោភលើផ្លូវនិងជំរុញឱ្យមានការទុកដាក់សំរាមឱ្យបានត្រឹមត្រូវជៀសវាងការបោះចោលពាសវាលពាសកាលនៅមុខកន្លែងលក់ដូរ។បងប្អូនប្រជាពលរដ្ឋនិងអ្នកធ្វើដំណើរឆ្លងកាត់តំបន់នោះ បានបង្ហាញការគាំទ្រយ៉ាងពេញទំហឹងចំពោះសកម្មភាពរបស់អាជ្ញាធរព្រោះការរៀបចំសណ្តាប់ធ្នាប់នេះមិនត្រឹមតែធ្វើឱ្យផ្លូវមានភាពទូលាយប៉ុណ្ណោះទេ ប៉ុន្តែថែមទាំងជួយកាត់បន្ថយគ្រោះថ្នាក់ចរាចរណ៍ និងធ្វើឱ្យការដើរទិញទំនិញមានភាពងាយស្រួលជាងមុន។
លោកអភិបាលស្រុក ក៏បានបន្តថា៖ អាជ្ញាធរបានណែនាំដល់អាជីវករដែលលក់ដូរលើចិញ្ចើមផ្លូវឱ្យរុះរើតូបឬការដាក់តាំងទំនិញដែលបង្កការរំខានដល់ការធ្វើដំណើររបស់ថ្មើរជើងនិងយានយន្តពិសេសទៀតនោះគឺស្លាកយីហោរបស់ពួកគាត់លយមកចំណីផ្លូវសាធារណៈ គឺអាជ្ញាធរតម្រូវអោយរុះរើជាបន្ទាន់ដោយគ្មានការលើកលែងឡើយ។
ទន្ទឹមនឹងការចុះអនុវត្តនេះ អាជ្ញាធរខេត្តក៏បានអំពាវនាវដល់បងប្អូនអាជីវករទាំងអស់សូមមេត្តាបន្តចូលរួមសហការជាមួយអាជ្ញាធរ ដោយមិនត្រូវត្រឡប់មកលក់ដូររំលោភលើចិញ្ចើមផ្លូវវិញឡើយក្រោយពេលសមត្ថកិច្ចចេញទៅ។
អាជ្ញាធរនឹងបន្តតាមដាននិងចុះត្រួតពិនិត្យជាប្រចាំ ដើម្បីធានាថាវិធានការនេះមានប្រសិទ្ធភាពយូរអង្វែង។
សកម្មភាពនេះសបញ្ជាក់ឱ្យឃើញពីការយកចិត្តទុកដាក់របស់រដ្ឋបាលខេត្តក្នុងការកែលម្អជីវភាពរស់នៅនិងបរិយាកាសទូទៅនៅក្នុងភូមិសាស្ត្រខេត្តឱ្យកាន់តែប្រសើរឡើង៕
លោកអភិបាលស្រុកកៀនស្វាយក៍បានដាក់បទបញ្ចាដល់លោលមុត សារិទ្ធមេឃុំគគីរបន្តចុះណែនាំដល់ពលរដ្ឋបើគាត់មិនស្តាប់ទេយើងត្រូវអនុវត្តតាមច្បាប់ដាក់ក្រុមជាងគាត់ចេញយកសម្ភារៈទាំងនោះមកទុកនៅសាលាស្រុកកៀនស្វាយ។
ដោយៈប៉ក់ សារិទ្ធ
