កងកម្លាំងមូលដ្ឋានអាវុធហត្ថស្រុកកៀនស្វាយបញ្ចូនខ្លួនជនសង្ស័យ៣នាក់បទល្មើសគ្រឿងញៀនទៅតុលាការដើម្បីបន្តនិតិវិធី!
(ខេត្តកណ្តាល)អនុវត្តតាមការណែនាំពីឯកឧត្តមគួច ចំរើនអភិបាលខេត្តកណ្តាលនិងលោកឧត្តមសេនីយ៍ត្រី សំ តុលាមេបញ្ចាការអាវុធហត្ថខេត្តកណ្តាលនៅថ្ងៃទី០៤ខែមិថុនាឆ្នាំ២០២៦អាវុធហត្ថស្រុកកៀនស្វាយបានបញ្ចូនខ្លួនជនសង្ស័យ០៣នាក់ទៅតុលាការដែលកើតហេតុនៅវេលាម៉ោង១៩៣០នាទីថ្ងៃទី០២ខែមិថុនាឆ្នាំ២០២៦នៅចំណុចលើផ្លូវលំស្ថិតក្នុងភូមិខ្សុំ ឃុំបន្ទាយដែកស្រុកកៀនស្វាយ ខេត្តកណ្តាល។
១.ឈ្មោះឈន សុភី (ហៅភី) ភេទប្រុសអាយុ២៥ឆ្នាំជនជាតិខ្មែរ សញ្ជាតិខ្មែរមុខរបរមិនពិតប្រាកដ មានទីលំនៅភូមិខ្សុំឃុំបន្ទាយដែកស្រុកកៀនស្វាយខេត្តកណ្តាល (មានសារធាតុញៀនក្នុងទឹកម៉ូត្រ (+) ។
២/ឈ្មោះជុំ ឧដ្ឋានសេរី (ហៅហួច) ភេទប្រុសអាយុ៦១ឆ្នាំជនជាតិខ្មែរមុខរបរមិនពិតប្រាកដ មានទីលំនៅភូមិ.ឃុំខាងលេី(មានសារធាតុញៀនក្នុងទឹកម៉ូត្រ (+) (ធ្លាប់ជាប់ពន្ធនាគា២លេីកពីបទជួញដូរ រក្សាទុកនិងប្រេីប្រាស់ដោយខុសច្បាប់នូវសារធាតុញៀន។
៣-ឈ្មោះសួង រាជ (ហៅស្វិត) ភេទប្រុសអាយុ៣៤ឆ្នាំជនជាតិខ្មែរចប្ចុប្បន្នស្នាក់នៅភូមិស្តៅកន្លែង៤ឃុំដីឥដ្ឋស្រុកកៀនស្វាយ មានសារធាតុញៀនក្នុងទឹកមូត្រ(+) (ធ្លាប់ជាប់ពន្ធនាគា៣លើកពីបទជួញដូរគ្រឿងញៀននិងអំពើលួច)។
វត្ថុតាងចាប់យករួមមាន៖
១-ក្រាមពណ៌សថ្លាសង្ស័យជាសារធាតុញៀន(ម៉ាទឹកកក)ចំនួន ០៤កញ្ចប់
២-ទូរសព្ទដៃចំនួន០៣គ្រឿង
៣-ម៉ូតូ ០១គ្រឿង។
លោកវរសេនីយ៍ត្រីជិន តូម៉ាត់មេបញ្ជាការអាវុធហត្ថស្រុកកៀនស្វាយបានឱ្យដឹងថា!
នៅមុនពេលកើតហេតុ៖
-នៅវេលាម៉ោង១៨៖៣០នាទីថ្ងៃទី០២ខែមិថុនាឆ្នាំ២០២៦ កម្លាំងអ.ហស្រុកកៀនស្វាយ ០៧នាក់រថយន្ត០១គ្រឿងម៉ូតូ ០៣គ្រឿងដឹកនាំដោយលោក វរសេនីយ៍ត្រីជិន តូម៉ាត់មេ/ការស្រុកចុះល្បាតក្នុងភូមិសាស្ត្រដើម្បីបង្ការបង្ក្រាបបទល្មើស លុះដល់ចំណុចខាងលេីកម្លាំងជំនាញយេីងបានឃើញជនសង្ស័យជាមុខសញ្ញាឈ្មោះឈន សុភី ភេទប្រុសជិះម៉ូតូម៉ាកម្នាក់ឯងតាមផ្លូវលំក៏បានហៅសួរនាំនិងត្រួតពិនិត្យបានរកឃើញក្រាមពណ៌សថ្លាសង្ស័យជាសារធាតុញៀន(ម៉ាទឹកកក)ចំនួន ០៤កញ្ចប់ក្តាប់នៅក្នុងដៃខាងឆ្វេងរួចបាននាំខ្លួនមកសាកសួរនៅអង្គភាពជនសង្ស័យឈ្មោះឈន សុភីបានឆ្លើយសារភាពថាខ្លួនបានទិញគ្រឿងញៀនពីឈ្មោះជុំ ឧដ្ឋានសេរី (ហៅហួច )ចំនួន ៤០.០០០០៛ដើម្បីយកទៅរំលែកជាកញ្ចប់តូចៗចែកចាយលក់អោយគេបន្ត។
ដោយបានការអនុញ្ញាតពីលោកឧត្តមសេនីយ៍មេបញ្ជាការអាវុធហត្ថខេត្តកណ្តាលនិងដោយមានការសម្របសម្រួលពី ឯកឧត្តមគុជ គីមឡុង ព្រះរាជអាជ្ញាអមសាលាដំបូងខេត្តកណ្តាល។
កម្លាំងជំនាញអាវុធហត្ថខេត្តនិងស្រុកបានចុះទៅដល់ផ្ទះជនសង្ស័យឈ្មោះជុំ ឧដ្ឋានសេរី (ហៅហួច)ភេទប្រុសមានទីលំនៅភូមិឃុំបង្ក្រាបខាងលើហើយធ្វើការឆែកឆេរដោយមានអាជ្ញាធរចូលរួមចាប់យកវត្ថុតាងទូរស័ព្ទ ០២គ្រឿងជនសង្ស័យឈ្មោះជុំ ឧដ្ឋានសេរីបានសារភាពថាខ្លួនពិតជាបានលក់ថ្នាំញៀនទៅឲ្យឈ្មោះឈន សុភីចំនួន៤កញ្ចប់ តម្លៃ៤០០០០០រៀល(សែសិបម៉ឺនរៀល)ពិតប្រាកដមែនហេីយថ្នាំញៀនទាំងនេះគឺខ្លួនបានទិញពីឈ្មោះគា តាមរយះលេខទូរស័ព្ទ នៅច្បារអំពៅ រាជធានីភ្នំពេញនិងធ្លាប់បានប្រើប្រាស់គ្រឿងញៀនជាមួយឈ្មោះរាជ ភេទប្រុសជាញឹកញាប់នៅផ្ទះរបស់ខ្លួនលុះដល់វេលាម៉ោង១៥:១០នាទី ថ្ងៃខែឆ្នាំដដែលកម្លាំងជំនាញក៍បានបន្តទៅនាំខ្លួនជនសង្ស័យឈ្មោះសួង រាជនៅផ្ទះប្រពន្ធស្ថិតក្នុងភូមិស្តៅកន្លែង៤ឃុំដីឥដ្ឋ ស្រុកកៀនស្វាយមកសាកសួរនៅអង្គភាពមូលដ្ឋានកងរាជអាវុធហត្ថស្រុកនិងបានធ្វើតេស្តទឹកមូត្រមានសារធាតុញៀន(+)។
ចំពោះជនសង្ស័យទាំងបីនាក់រួមទាំងវត្ថុតាងខាងលើបានបញ្ខូនទៅតុលាការបន្តនិតិវិធីច្បាប់។
ដោយៈប៉ក់ សារិទ្ធ
