លោកវរសេនីយ៍ ឯកព្រំុ សំណាងអធិការនគរបាលស្រុកកៀនស្វាយបានបើកកិច្ចប្រជុំផ្សព្វផ្សាយពង្រឹងលើនិតិវិធីនៃអ្នកទទួលសិទ្ធអនុញាត្តច្បាប់និងការសំច្បាប់

(ខេត្តកណ្តាល)ដោយអនុវត្តតាមការណែនាំរបស់លោកឧត្តមសេនីយ៍ទោ ស្នងការនគរបាលខេត្តកណ្តាលនារសៀលថ្ងៃចន្ទ ៨ រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី០៨ ខែមិថុនា ឆ្នាំ២០២៦នៅអធិការដ្ឋាននគរបាលស្រុកកៀនស្វាយ បានបើកកិច្ចប្រជុំផ្សព្វផ្សាយ និងពង្រឹងបន្ថែមលើនីតិវិធីពាក់ព័ន្ធនឹងការស្នើសុំច្បាប់អនុញ្ញាត ការអនុវត្តសិទ្ធិរបស់អ្នកទទួលបានការអនុញ្ញាត ព្រមទាំងការពង្រឹងវេនប្រចាំបញ្ជានិងការអនុវត្តអនុក្រឹត្យលេខ ០៣ អនក្រ.បក ឱ្យមានប្រសិទ្ធភាពខ្ពស់។

កិច្ចប្រជុំនេះប្រព្រឹត្តទៅក្រោមអធិបតីភាព លោកវរសេនីយ៍ឯកព្រុំ សំណាង អធិការនគរបាលស្រុកកៀនស្វាយ ។
ដោយមានការចូលរួមពីលោក លោកស្រី អធិការរងគ្រប់រូប, លោក លោកស្រី នាយ និងនាយរងផ្នែកគ្រប់ផ្នែក ព្រមទាំងលោក លោកស្រី នាយ និងនាយរងប៉ុស្តិ៍នគរបាលរដ្ឋបាលទាំង០៨ ប៉ុស្តិ៍ទូទាំងស្រុកកៀនស្វាយ។

ក្នុងឱកាសនោះលោកអធិការ បានធ្វើការណែនាំ និងជំរុញដល់កងកម្លាំងទាំងអស់ឱ្យយកចិត្តទុកដាក់អនុវត្តតួនាទី ភារកិច្ចនិងនីតិវិធីការងារឱ្យបានត្រឹមត្រូវស្របតាមច្បាប់ និងបទបញ្ជាថ្នាក់លើដើម្បីបង្កើនប្រសិទ្ធភាពការងារ រក្សាសន្តិសុខសណ្តាប់ធ្នាប់សាធារណៈនិងបម្រើប្រជាពលរដ្ឋឱ្យកាន់តែល្អនិងបន្តធ្វើការទប់ស្គាត់ស្គេមអនឡាញឱ្យមានប្រសិទ្ធភាពល្អប្រសើរ។
សរុបអ្នកចូលរួមមានចំនួន៩១នាក់ក្នុងនោះស្រី ០៧នាក់៕
ដោយៈប៉ក់ សារិទ្ធ