កិច្ចប្រជុំសាមញ្ញលើកទី៤៨អាណត្តិទី០៥របស់ក្រុមប្រឹក្សាឃុំភូមិធំក្រោមអធិបតីភាពលោកមាន ណាត!
(ខេត្តកណ្តាល)ព្រឹកថ្ងៃពុធ១០កើតខែបឋមាសាឍឆ្នាំមមីអដ្ឋស័កពុទ្ធសករាជ២៥៧០ត្រូវនឹងថ្ងៃទី២៤ខែមិថុនា ឆ្នាំ២០២៦ក្រុមប្រឹក្សាឃុំភូមិធំបើកកិច្ចប្រជុំសាមញ្ញលើកទី៤៨អាណត្តិទី៥របស់ក្រុមប្រឹក្សាឃុំក្រោមអធិបតីភាពលោកមាន ណាតប្រធានក្រុមប្រឹក្សាឃុំនិងជាមេឃុំភូមិធំ។
ដោយមានការចូលរួមពី
លោកលោកស្រីសមាជិកក្រុមប្រឹក្សាស្រុកចុះឃុំភូមិធំ
+លោកលោកស្រីសមាជិកក្រុមប្រឹក្សាឃុំ។
លោកស្រីស្មៀនឃុំនិង ជំនួយការក្រុមប្រឹក្សាឃុំ។
លោក លោកស្រី មេភូមិ អនុភូមិ និង សមាជិកភូមិទាំង៥។
លោកនាយប៉ុស្តិ៍នាយរងប៉ុស្តិ៍នគបាលរដ្ឋបាលឃុំភូមិធំ។
លោកស្រីប្រធានមណ្ឌលសុខភាព។
លោកនាយកអនុវិទ្យាល័យរទាំង។
លោកនាយកសាលាបឋមសិក្សាទាំង៤។
លោកប្រធានសមាគមន៍មរណសង្គ្រោះឃុំ។
ជនបង្គោលគណនេយ្យភាពសង្គមប្រចាំឃុំ(CAF)។
លោកប្រធានអនុប្រធានប្រជាការពារទាំង៥ភូមិក្នុងឃុំ។
ដែលមានវត្តមានសរុប៥០នាក់ស្រី៩នាក់។
របៀបវារៈមានដូចជា
១.ពិនិត្យនិងអនុម័តសេចក្តីព្រាងកំណត់ហេតុកិច្ចប្រជុំសាមញ្ញលើកទី៤៧របស់ក្រុមប្រឹក្សាឃុំកាល២២ខែ ឧសភាឆ្នាំ២០២៦។
២.ពិនិត្យនិងអនុម័តសេចក្តីព្រាងរបាយការណ៍ស្តីពីការអនុវត្តន៍ការងាររបស់រដ្ឋបាលឃុំប្រចាំខែមិថុនា ឆ្នាំ២០២៦។
៣.ការកំណត់ពេលវេលានិងទីកន្លែងកិច្ចប្រជុំលើកក្រោយនៅថ្ងៃទី២០ខែកក្កដាឆ្នាំ២០២៦នៅសាលាឃុំភូមិធំ។
៤.មតិផ្សេងៗ
៥.មតិបូកសរុបរបស់លោកប្រធាននិងបិទអង្គប្រជុំរបស់រដ្ឋបាលឃុំភូមិធំស្រុកកៀនស្វាយខេត្តកណ្តាល។
កិច្ចប្រជុំនាពេលនោះលោកមាន ណាតមេឃុំបានមានប្រសាសន៍ថា!លោកលោកស្រីមេភូមិគ្រប់ភូមិនិងកម្លាំងប្រជាការពារត្រូវដឹកនាំកម្លាំងចុះសម្អាតបរិស្ថាននៅតាមមូលដ្ឋាននិមួយៗឱ្យមានសោភ័ណ្ឌភាពល្អដើម្បីសុខភាពយើងទាំងអស់គ្នាជាពិសេសនៅតាមដងផ្លូវជាតិលេខ១និងនៅរមណីយដ្ឋានកៀនស្វាយក្រៅព្រោះនៅថ្ងៃសៅរ៍និងថ្ងៃអាទិត្យមានភ្ញៀវមកកម្សាន្តច្រើន។
លោកមេឃុំបានលើកឡើងថា!លោកលោកស្រីមេភូមិនិងកម្លាំងប៉ុស្តិ៍ចុះផ្សព្វផ្សាយជូនប្រជាពលរដ្ឋដែលមានអត្តសញ្ញាណប័ណ្ណហួសសុពលភាពនិងយុវជននិងយុវនារីដែលមានអាយុគ្រប់ទៅធ្វើអត្តសញ្ញាណប័ណ្ណសញ្ចាតិខ្មែរឲ្យបានគ្រប់ៗគ្នា។
ដោយៈប៉ក់ សារិទ្ធ
